Türkiyə parlamentinin binasında 55 pişik məskunlaşıb
Parlamentin əməkdaşlarından biri olan Nur Küçükün sözlərinə görə, kompleksdə xüsusi ab-havanın yaranmasına pişiklər cavabdehdir.
O, pişik balaları və yetkin heyvanlar üçün müxtəlif yemlərin alındığını, TBMM sədri Mustafa Şentopun göstərişindən sonra ev heyvanlarının gündə 3 dəfə yemləndiyi kompleksin ərazisində yemləmə üçün xüsusi yerlərin müəyyən edildiyini diqqətə çatdırıb.
“Bunlar bizim parlamentə fərqli ab-hava gətirən balaca bədheybətlərimizdir. Bu da onların evidir”, - deyə Küçük bəyan edib.
O əlavə edib ki, keçən ay pişiklərdən biri üç bala dünyaya gətirib.
“Parlamentə gələn qonaqlar ərazidə heyvanlarla rastlaşanda həmişə sevinirlər - pişikləri sığallayır və şəkil çəkdirirlər”, - deyə Küçük qeyd edib.
Mənbə: Hüriyyet
