Yeni nazir yarım milyardlıq şirkətin direktorluğundan ayrıldı

Yeni nazir yarım milyardlıq şirkətin direktorluğundan ayrıldı
“Agro Food İnvestments” MMC (VÖEN - 1404315581) yenidən təşkil olunaraq tərkibindən ayrılma nəticəsində “Agro Pro Group” MMC-nin yaradıldığını elan edir.
Yeniavaz.com xəbər verir ki, “Agro Food İnvestments” MMC-yə Azərbaycanın kənd təsərrüfatı naziri Məmmədov Məcnun Qadir oğlu rəhbərlik edib.
Məcnun Məmmədov bu ilin aprel ayının 14-də nazir təyin olunub. Nazir təyin olunduqdan 12 gün sonra – 26 aprel tarixində isə “Agro Food İnvestments” MMC-nin direktoru vəzifəsindən ayrılıb.

“Agro Food İnvestments” MMC-nin yeni direktoru Novruzov Vahid Vaqif oğludur.
Onu da bildirək ki, aprel ayının 20-də “Agro Food İnvestments” MMC nizamnamə kapitalını azaldaraq 270 milyon 68 min 813 manatdan 202 milyon 188 min 813 manata salıb.
Qeyd edək ki, “Agro Food İnvestments” MMC-nin hüuqi ünvanı ölkənin ən böyük şirkti olan “Paşa Holdinq” ilə eyni ünvanda - Bakı şəhəri, Nəsimi rayonu, Neftçilər pr., ev 153-də yerləşir.
“Agro Food İnvestments” MMC kənd təsərrüfatının strateji sahələri sayılan südçülük fermaları, zeytun, badam bağları, tingçilik, qarğıdalı emalı, açıq tarla əkini (şəkər çuğunduru, arpa, qarğıdalı, soya və s), soyuq hava deposu və meyvə çeşidləmə, logistika və digər kənd təsərrüfatı və qida istehsalı sahələri üzrə işlər görür.
“Agro Food İnvestments” MMC-nin rəsmi saytında göstərilir ki, aşağdakı şirkətlər də bu şirkətin tərkibində fəaliyyət göstərirlər.
Adı VÖEN-i Nizamnamə kapitalı
“Grand Logistik Center” 1403432791 18 100 000 azn
“Şəmkir Aqropark” 8501038741 57 732 393 azn
“Grand-Agro Invitro” 1403906231 24 302 000 azn
“Yalama Aqropark” 1303419081 27 193 185 azn
“Azərşəkər” 1403644651 67 880 000 azn
“Grand-Agro” 1403644931 52 560 000 azn
“Agro Food İnvestments” MMC-nin tabeliyində fəaliyyət göstərən bu şirkətlərdən birinin - nizamnamə kapitalı 52 milyon 560 min manat olan “Grand-Agro” MMC-nin direktoru da Məcnun Məmmədov olub. Məcnun Məmmədov nazir təyin olunduqdan 14 gün sonra – 28 aprel tarixində bu şirkətin direktorluğundan da gedib. Onun yerinə Tofiq Həmidov təyin olunub.
Göründüyü kimi, kənd təsərrüfatı naziri Məcnun Məmmədov nazir təyin edildikdən bir müddət sonra da nizamnamə kapitalları ümumilikdə təxminən 518 milyon manat olan şirkətlərə rəhbərlik edib.



Twitter Facebook Myspace Stumbleupon Technorati blogger google
411 dəfə oxundu
 



XƏBƏR LENTİ
Loading...