Deputat: "Bəzi adamlara dəfn pulu verilmir, bu düzgün deyil"
"Dəfn üzrə müavinətin alınması ilə bağlı problemlər var".
Qaynarinfo xəbər verir ki, bunu Milli Məclisin bu gün keçirilən iclasında deputat Fazil Mustafa deyib:
"Vətəndaş müraciət edib ki, yoldaşım 17 ildir şəkər xəstəsidir. Vəfat edəndən sonra ona dəfn müavinəti verilmədi. Bildirildi ki, o heç bir yerdə işləməyib. Onun sosialında pul yoxdur".
Fazil Mustafa qeyd edib ki, bu yanaşma düzgün deyil:
"İstənilən Azərbaycan vətəndaşı işləyib-işləməməsindən asılı olmayaraq, bu müavinəti almalıdır. Əmək pensiyası alanlar üçün bu məbləğ 500 manatdır. Bütün vətəndaşlara 300 manat da olsa, 500 manat da olsa, dəfn müavinəti verilməlidir".
