Azərbaycanda daha 29 nəfərin ölkədən çıxışına qadağa qoyuldu
Vergi borcuna görə ölkədən getmə hüququ məhdudlaşdırılmış fiziki şəxslərin sayı artıb.
Vergilər Nazirliyindən "APA-Economics"ə verilən xəbərə görə, 22 noyabr tarixinə vergi borcu olduğuna görə ölkədən çıxışı məhdudlaşdırılan şəxslərin sayı 449-a yüksəlib. Halbuki 17 noyabr tarixinə açıqlanan siyahıda 420 fiziki şəxsin adı qeyd olunub. Beləliklə, 29 nəfərin də vergi borcu ödənmədiyindən onların adları siyahıya əlavə olunub. Ölkədən çıxışına qadağa qoyulan şəxslər arasında 4 xarici vətəndaş da var. Nazirlik vergi ödəyicilərinin borcunu açıqlamayıb.
