Şöbə müdiri redaktor, şəhər meri isə şöbə müdiri təyin edildi - İcra başçısından qəfil dəyişiklik
Lənkəran şəhər İcra Hakimiyyətində dəyişiklik olu. GUNDEMİNFO.AZ mia.az-a istinadən xəbər verir ki, bu barədə “Cənub xəbərlər” qəzetinin baş redaktoru Zahir Əmənov məlumat verib.
Onun sözlərinə görə, İcra Hakimiyyətinin Ərazi idarəetmə və yerli özünüidarəetmə orqanları ilə iş şöbəsinin müdiri Əlimərdan Əliyev bu gün vəzifəsindən azad olunub:
“Uzun müddət Lənkəran İcra Hakimiyyətində müavin, şöbə müdiri işləyən Əlmərdan Əliyev vəzifəsindən azad edilərək, “Lənkəran” qəzetinə baş redaktor təiyin edilib. Onun əvvəlki postuna, yəni İcra Hakimiyyətinin Ərazi idarəetmə və yerli özünüidarəetmə orqanları ilə iş şöbəsinin müdiri vəzifəsində isə şəhərin “meri” Zaur müəllim təyinat alıb. Zaur müəllimin yeri isə hələlik boşdur”.
Xatırladaq ki, “Lənkəran” qəzeti şəhər icra hakimiyyətinin rəsmi mətbuat orqanıdır.
Qəzetin əvvəlki baş redaktoru İltifat Əhmədova gəldikdə isə, ona hansısa vəzifə verilib-verilmədiyi haqda xəbər yoxdur.
