Gələn il Azərbaycanda növbədənkənar seçkilər ola bilər
"Gələn il parlament seçkiləri keçiriləcək. Hesab edirəm ki, gələn ilin noyabr ayında parlament seçkilərinin keçirilməsi gözlənilir”.
Bunu Qaynarinfo-ya açıqlamasında hüquqşünas Qulamhüseyn Əlibəyli deyib. O, seçkilərin vaxtının bir az əvvələ çəkilə biləcəyini ehtimal edir:
"Növbədənkənar seçkilərin olub-olmaması barədə proqnoz vermək çətindir. Çox güman ki, seçkilər keçirilsə, onu da gələn ilin əvvəllinə təyin edəcəklər”.
Qulamhüseyn Əlibəyli hesab edir ki, seçkilərin legitimliyi demokratikliyi, qanunvericiliyə riayət olunması ilə müəyyənləşdirilir:
"Siyasi partiya konfiqurasiyasının yenilənməsi ilə partiya strukturlarının, partiya sisteminin dəyişməsini seçki sistemilə əlaqələndirmək o qədər də düzgün olmazdı. Çünki həmin partiyalar əvvəllər də seçkilərdə iştirak ediblər və çoxları da seçkilərin nəticələrindən narazı olub", deyə Qulamhüseyn Əlibəyli bildirib.
