Rayon rəhbəri növbəti dəfə vətəndaşları qəbul edib
Qəbula gələn vətəndaşlar əsasən işlə təmin olunma, sahibkarlıq obyektinin tikilməsi üçün torpaq sahəsinin ayrılması, maddi yardım, ev təmirinə köməklik, həyətyani torpaq sahəsinə əlavə yolun verilməsi, torpaq mübahisəsi, əmək mübahisəsi və digər şəxsi məsələlərlə bağlı müraciət ediblər. Onların müraciətləri rayon rəhbəri tərəfindən diqqətlə dinlənilib, icra hakimiyyətinin səlahiyyətlərinə aid müraciətlər qanun çərçivəsində həll olunub, digər müraciətlərlə bağlı isə vətəndaşlara müvafiq izahatlar verilib, vətəndaş məmnunluğu təmin olunub.
Qəbulda vətəndaşlar ölkəmizdə həyata keçirilən islahatlara, əhalinin sosial rifah halının yüksəldilməsinə göstərilən diqqət və qayğıya görə möhtərəm Prezident cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.
