Daha bir ölkədən kərə yağı idxalına başlanılıb – Ölkələrin siyahısı və qiymətlər
Yeniavaz.com açıqlanan rəsmi məlumatlara istinadən xəbər verir ki, ötən ilin eyni dövrü ilə müqayisədə bu ilin ilk 3 ayında idxal olunan kərə yağının miqdarı 5,4% və ya 290,4 ton artıb.
Məlumat üçün qeyd edək ki, bu ilin yanvar-mart aylarında idxal olunan kərə yağının gömrük dəyəri ötən ilin eyni dövrü ilə müqayisədə 36% bahalaşıb. Belə ki, kərə yağının 1 kiloqramının gömrük dəyəri ötən ilin yanvar-mart aylarında 5,2 dollar (8,8 manat) olduğu halda, bu ilin ilk 3 ayında 7 dollar (12 manat) təşkil edib.
Azərbaycan kərə yağını ən çox İrandan idxal edib. Bu ölkədən Azərbaycana 3 ay ərzində 2 248 ton kərə yağı gətirilib. Ən az miqdarda kərə yağı isə İtaliyadan idxal olunub – cəmi 240 kiloqram.
Qeyd edək ki, ötən ilin eyni dövründən fərqli olaraq, bu ilin ilk 3 ayında Azərbaycana Səudiyyə Ərəbistanından da kərə yağı idxal olunmağa başlanılıb. Yanvar-mart aylarında bu ölkədən 308,2 ton kərə yağı gətirilib.
Bu ilin yanvar-mart aylarında idxal edilən kərə yağının ölkələr üzrə miqdarı və 1 kiloqramının gömrük dəyəri (ölkəyə giriş qiyməti) aşağıdakı kimidir:
İran – 2 248 ton (10,5 manat)
Yeni Zelandiya – 1 496,5 ton (12,5 manat)
Hindistan – 391 ton (9,7 manat)
Belarus – 385,7 ton (13,3 manat)
Səudiyyə Ərəbistanı – 308,2 ton (14 manat)
Ukrayna – 279,3 ton (14,5 manat)
Finlandiya – 239,4 ton (14,8 manat)
Fransa – 123,8 ton (15,8 manat)
Almaniya – 71 ton (15,5 manat)
Türkiyə – 65 ton (13 manat)
Belçika – 41 ton (15 manat)
Litva – 17,4 ton (14,7 manat)
Rusiya – 1 ton (21,3 manat)
Portuqaliya – 0,36 ton (28,3 manat)
İtaliya – 0,24 ton (20 manat)
