“Açarla gəlmişəm qapımı açmağa, deyir ki, ev sənin deyil” – VİDEO
Gundem.info.az xəbər verir ki, bu şikayətlə Xəzər TV-yə bir qrup sakin müraciət edib.
Onların iddialarına görə, aldıqları mənzillər başqalarına da satılıb. Şikayətçilər bildiriblər ki, 2017-ci ildən tikilməkdə olan binada mənzil üçün ödəniş ediblər. Lakin bir neçə il əvvəlki qiymətlərlə ödəniş etdiklərindən indi pul yox, həmin binadan mənzil istəyirlər.
“Gəlmişəm açarla qapını açmağa, deyir ki, ora sənə məxsus deyil. 2021-ci ildə imzalanan müqavilə əlimdə, evimə girə bilmirəm. Deyir mən sənin müqaviləni ləğv edə bilərəm. Bu nə özbaşınalıqldır? Müqaviləni necə ləğv edə bilər?”, - sakinlərdən biri söyləyib.
Özünü binanı inşa edən MMC-nin rəsmisi olaraq təqdim edən Filman Cəfərov isə bildirib ki, sakinə binanın 5-ci mərtəbəsindən mənzil təklif edilib və qanuni olaraq ona məxsusdur: “O ki qaldı digər sakinin müqaviləsinin ləğv edilməsinə, həmin şikayətçi ilə də mənzilin sahəsinə görə razılığa gəlinməlidir”.
Daha ətraflı süjetdə:
