Damla Manafı pis vəziyyətdə qoydu - "Kim daha çox verirsə ora qaçır"
Gundeminfo.az xəbər verir ki, sosial şəbəkələrdə yayılan məlumata görə, müğənni iki gün öncə “Neolit” restoranında baş tutan toy üçün beh alsa da, toya gəlməyib.
Müğənnilər Şəbnəm Əsədova və Manaf Ağayevin iştirak etdiyi toyda Damla bir saat çıxış üçün 1500 manat tələb edərək, 500-nü beh kimi öncədən alıb. Toya gəlmədiyi üçün qəzəblənən ev yiyəsi Damlaya görə beh verdiyi müğənni Manaf Ağayevlə mübahisə edib və bu azmış kimi toy qonorarını ödəməyib.
Toya görə 8000 manat almalı olan M.Ağayev və dəstəsi evə bir qəpiksiz qayıdıblar.
M.Ağayev Metbuat.az-a açıqlamasında xəbəri təsdiqləyib: “Deyilənlərin hamısı düzdür. Kim Damlaya yüksək beh verirsə, adam ora qaçır. Bizim getdiyimiz toya 500 manat beh verilmişdi. Kimsə Şəmkirdən 1000 manat beh verib deyə, həmin toya gedib. İnsan düşünmür ki, adamı pis vəziyyətdə qoyur. Mən kimə söz verirəmsə, sözümün üstündə dururam. Ancaq Damla məni pis vəziyyətdə qoyub. Özünə də dedim gətirib behi qaytarmasan, cəmiyyətə sənin kim olduğunu açıqlayacam. Əslində, başqa toya getmək istəyən adam əvvəlcədən deməlidir. Bu heç həmin gün də olsa, zəng etməyib ki, gəlməyəcək. Sadəcə həmin gün Massallıdakı aldatdığı toy evinin yiyəsi mənə zəng elədi ki, Damla başıma bu hadisəni gətirib. Mən də zəng elədim Damlaya, o da dedi ki, qətiyyən ola bilməz, mütləq beh aldığı toya gələcək. Ancaq gəlmədi. Zəng elədim ki, Damla, bəs beh almısan, məni pis vəziyyətdə qoyub gəlmədin. Yaxşı da bir bəhanəsi var, aldatdığı toy sahiblərinə həmişə deyir ki, həmin toya getməsəydi, onu öldürəcəkdilər”.
Məsələ ilə bağlı sayt Damla ilə əlaqə saxlamağa çalışıb. Köməkçisi bildirib ki, belə bir problem olmayıb, M.Ağayevlə aralarında yüngül anlaşılmazlıq yaranıbmış, onu da qaradan qaldırıblar.
