Məleykədən Ramizin üzrünə cavab: “Bağışlamayacam”
“Mənə pis təsir edib, kaş olmazdı. Geyim mənə məxsusdur, özüm bilərəm. Xarici ölkələrə gedəndə uzun geyinməyəcəm ki... Bundan sonra da istədiyimi geyinəcəm. Bədən ölçülərim buna uyğundur. Öz dünyam var, heç kim ona qarışmasın. Gedib öz ailəsinə qarışsın”
GUNDEMİNFO.AZ yazır ki, axşam.az-ın məlumatına görə, bu sözləri xalq artisti Məleykə Əsədova son günlər qalmaqal yaşadığı həmkarı Ramiz Məlikin ünvanına deyib.
“5/5” verilişinə zəng edən aktrisa onu təhqir edən həmkarını bağışlamayacağını deyib. Əsədova bildirib ki, R.Məlikin üzr istəməsi heç nəyi dəyişməyəcək:
“Mənim qızımla balaca dünyam var. Mənə şər atmaq, yalan danışmaq olmaz. Teatr kollektivi mənim xətrimi çox istəyir. Mən özümə hörmət qazanmışam. Şəklimə fikir bildirib. Özü də məni teatrda bir gün əvvəl görüb, xoş sözlər deyib. Mən özümdən böyüklərə hörmətlə yanaşıram. Hər şeyi bağışlayaram, anama, qüruruma, qızıma əl uzadanı ömrüm boyu bağışlamaram. Qürürum milyardlardan, milyonlardan, sənətimdən belə üstündür. Bilirsiniz, niyə bu qədər zəngin görünürəm? Çünki heç kimin qarşısında əyilmirəm. Bircə Allahın qarşısında əyilirəm.
Vəkilim var, bu işlərlə o məşğul olur. Ailəmə, anama-atama olmayan söz deyilməsini bağışlamayacam. Valideynimin ruhuna xələl gətizdirmərəm. Hər kəs bilir ki, anam necə qadın olub. Bu söhbət bitdi, bağışlamayacam”.
Qeyd edək ki, iki həmkar arasında mübahisəyə səbəb aktrisanın sosial şəbəkədə paylaşdığı fotolar olub. Fotoları görən aktyor həmkarına həmin şəkillərlə özünü, ona verilən fəxri adı və teatr kollektivini biabır etməməyi məsləhət görüb.Məlik daha sonra Əsədovanın ünvanına "Fahişə elə fahişədir. Səni bütün Azərbaycan tanıyır. Mənim ağzımı açmasın. Hər şeyi çox yaxşı bilirəm. Tərbiyəsiz sənsən. 6 yaşın olanda atan ananı fahişəliyinə görə atıb getdi. Bunları istəyirsən mən deyim?" sözlərini deyib.
