“Şərq tərəfdaşlığı” sammiti iflas dövründə
Riqada mayın 21-22-də keçiriləcək Avropa İttifaqı “Şərq tərəfdaşlığı” sammitinin yekun bəyannaməsi imzalanmaya bilər.
Virtualaz.org saytı xəbər verir ki,bu barədə gürcü qaynaqları bildirir. Gürcüstan, Ukrayna və Moldova yekun bəyannaməsinin Rusiyanın xeyrinə yumşaldılmasından narazı qalaraq sənədi imzalamaqdan imtina edə bilərlər.
Bu üç ölkə “Şərq tərəfdaşlığı”na qoşulan 6 ölkə formatının saxlanılmasına tərəfdardır, ancaq hesab edirlər ki, Avropa İttifaqı (Aİ) inteqrasiyaya daha çox maraq göstərən ölkələr üçün ayrıca təkliflər təqdim etməlidir.
Lakin maraqlıdır ki, Aİ təşəbbüsə qoşulan ölkələrə diferensial yanaşma prinsipini qəbul etmir. Hərçənd ki, Aİ əvvəllər bu prinsipin tərəfində idi.
İndi Aİ israr edir ki, Riqa sammitində tamamilə mənasız, ümumi sözlərdən ibarət bəyannamə imzalansın. Gürcüstan, Ukrayna və Moldova isə bu sənədi imzalamayacaqları haqda xəbərdarlıq ediblər.
