Üzlənmiş binalarda mənzillər kəskin ucuzlaşdı - yanğınlardan sonra
Bakıda ard-arda iki yaşayış binasında baş verən yanğından sonra eyni materialla üzlənmiş binalarda mənzillərin qiymətləri kəskin ucuzlaşmağa başlayıb. GUNDEMİNFO.AZ-a danışan daşınmaz əmlak agentliyinin rəhbəri bildirib ki, Əhmədli qəsəbəsində və dünən də Binəqədi rayonunda yerləşən binalardakı yanğından sonra mənzillərin qiyməti ucuzlaşıb. «Bu binalar üzlənəndən sonra orada mənzillərin qiyməti xeyli bahalaşmışdı. Lakin son yanğınlardan sonra artıq həmin binalarda təcili mənzil satan şəxslər bu gün agentliyimizə zəng edərək qiymətləri aşağı saldıqlarını bildiriblər. Əgər Xətai rayonunda üzlənmiş binada 2-ci mərtğəbədə yerləşən 2 otaqlı mənzil 80 min manata satılırdısa, artıq ev sahibləri qiyməti 60 min manata endirməyə razılaşırlar» deyə həmsöhbətimiz bildirdi.
