ABŞ timsalı: demokratiya elə beşiyindəcə boğulur
Amerika prezident semkilərinə doğru gedir. Hər halda adı belədir. Yəni adına seçkilər deyirlər. Dünənə qədər bəşəriyyət və elə bəşəriyyətin bir parçası olan Azərbaycan da elə zənn edirdi, bəlkə də göz yumurdu ki, ABŞ-da seçkilər gedir və Amerika xalqı öz prezidentini seçir. Amma sağ olsun Donald Tramp cənabları... bəlkə də özü bilmədən, özü istəmədən bütün dünyaya Amerikadakı seçkilərin əslində bir tamaşa - özlərininin dili ilə desək, bir ŞOU olduğunu dünyaya nümayiş etdirdi.
Rəsmən meymunluq edirlər. Biri hər addımda yıxılır, digəri də məzələnir. Hətta Azərbaycanın səviyyəsiz hesab etdiyimiz bəzi şou-biznes nümayaəndələri belə bu gün ABŞ-dakı prezident seçkilərinə namizəd kimi qatılanlardan daha samballı görünürlər. Əslində bu gün bir amerikalının yerinə olsaydım, Hillari Klintondansa, Rəqsanəyə ssəs verərdim...
Gələk həqiqətlərə...
Hər şey bir tamaşadır. Elə dünyanın özü də... Uca Yaradanımızın belə buyurduqlarından, müqəddəs kitablarda deyilənlərdən də belə əyan olur ki, yer üzü tamaşa meydanıdır və sən - YARADILAN özünü elə göstərməlisən ki, hədəfə çevrilməyəsən. O biri dünyada tək bir TAMAŞAÇIN olsa da, bu biri dünyada göz sayısı qədər tamaşaçın var...
Amerika bu gün özünü dünyanın sahibi kimi göstərir və bəşəriyyətə əslində ən pis idarəetmə üsulu olan DEMOKRATİYA silahı ilə öz istədiklərini diqtə etməyə çalışır. Amerika əslində gözəl bir üsul tapıb. Sənə sübut etməyə çalışır ki, sən doğru yolda deyilsən. Daha ona maraqlı deyil ki, sən hansı yolu seçmisən. Və özünün də ƏN PİS adlandırdığı yolu, əslində YOLSUZLUĞU sənə bir istiqamət kimi göstərib səni istismar etməyə çalışır.
İllərdir bu dünya qoçusunun etdiklərindən də görürük ki, nə zad imiş bu demokratiya, nə zad imiş bu insan hüquqları...
Təsəvvür edin, Amerika üçün Suriyada, İraqda, Əfqanıstanda və digər MÜSƏLMAN ölkələrində az qala bir həşərat kimi öldürülən insanların həyatının zərrə qədərində belə anlamı yoxdur, çünki onların başlarına bombaları ya Amerika birbaşa yağdırır, ya da Amerikanın rizası ilə yağır, amma əvəzində MÜSƏLMAN ÖLKƏSİ olan Azərbaycanda və yaxud da bir başqa müsəlman ölkəsində hansısa həbsə atılanın hüquqlarının pozulması ABŞ adlı dövlətin bir nömrəli dərdinə çevrilir. Nə Amerikadakılar "yata bilir", nə də Amerikanın Azərbaycandakı səfiri...
Qardaşlar, əzizlərim, bilin ki, Azərbaycanda hansısa insanın, var olanın, nəinki hər hansı bir amerikalı üçün, hətta Amerikanın ən humanist siması üçün belə bir həşərat qədərində dəyəri yoxdur və illərdir bu zatlar Azərbaycan kimi ölkələrə "Səndə demokratiya yoxdur", "Səndə insan hüquqları tapdanır" deyərək, əslində Azərbaycan kimi ölkələrin ALT YAPISINI - DÖVLƏTÇİLİK SÜTUNLARINI hədəfə alıblar.
***
Tankların lüləsinin ucunda gələn DEMOKRATİYA
Bu gün onlarda seçki ərəfəsidir. Özlərinin açıqladığı rəqəmlərdir. Bildirirlər ki, hazırda Amerikadan olan seçicilərin böyük əksəriyyəti 60 faizdən yuxarısı bu gün amerikalılara təqdim olunan namizədlərin heç birinə səs vermirlər. Deməli artıq ölkənin tən yarısı hər iki namizədə qarşıdır. Amma artıq hər kəs bilir ki, Amerikada - dünyaya demokratiyanın beşiyi kimi təqdim olunan bu ölkədə demokratiyanın ən ibtidai prinsipləri belə tapdaq altına alınır. Amerikada hətta Amerika xalqının öz namizədlərini müəyyən etmə imkanı belə yoxdur. Onlar sanki bir restoranda olduğu kimi... menyuda nə varsa, onu yeməlidirlər. Və bu gün amerikalılar məcburdurlar ki, seçimlərini Trampla Klinton arasında etsinlər. 3-cü variantları yoxdur. Yesələr də budur, yeməsələr də... İllərdir bu xalq uzunqulaqla filin arasında seçim etmək zorunda buraxılıb.
Ona görə də bu gün amerikalıların 14 faizi üçün bu gün ölkəsini kimin idarə edəcəyi heç də maraqlı deyil. Ona görə yox ki, bu gün amerikalılar gözəl, qayğısız həyat yaşayırlar və onlar üçün siyasi hakimiyyətin rəngi önəm daşımır. Sadəcə ona görə ki, bu gün Amerika xalqının 14 faizi dərk edə bilib ki, onların nəyi necə istəməyinin heç bir əhəmiyyəti yoxdur. İndidən, bəlkə də daha əvvəlindən kimin seçiləcəyi gün kimi aydındır...
Tankların lüləsinin ucunda gələn DEMOKRATİYA
***
Gələk Azərbaycana... Bu gün Allahdan daha çox əlini Amerikaya uzadıb mədət umanlarımız var. Sirr deyil. İraqı, Liviyanı, Suriyanı və başqa xaraba günə qalan müsəlman ölkələrini unudub, onları yada salmayıb Amerika tanklarının Bakı küçələrində hərəkət etməsini bir SİYASİ MÜBARİZƏ kimi təqdim edərək yüzlərlə gəncimizi belə xəstələndirənlər var.
Məgər onlar bu həqiqəti bilmirlərmi? Görmürlərmi? Təbii ki, bilirlər və görürlər də. Sadəcə olaraq, ya geriyə yollarının qalmadığını zənn edirlər, ya da elə bu idbarlığı həyat kredosu kimi seçiblər. Başqa adı yoxdur. Hər halda, bir şərəfsizliyi idbarlıq kimi təqdim etmək günah sayılmaz...
Amma onlar - hansılar ki, geriyə yollarının olmadğını düşünürlər - onlar üçün hər zaman GERİYƏ qapı açıqdır... Əslində bu qapı onları İRƏLİYƏ APARACAQ - VƏTƏNƏ XİDMƏTƏ...
***
Tankların lüləsinin ucunda gələn DEMOKRATİYA
Amerikanı biz hər yerdə gördük. Daha doğrusu, Bütün müsəlman ölkələrinə münasibətdə. Tankların lüləyinin ucunda gətirdikləri demokratita bu gün İraq xalqına necə "ləzzət edirsə, onlar hər gün, hər partlamada "XOŞBƏXTLİKDƏN" 50-50, 100-100 ölürlər... Bu gün Bəşər Əsədi diktator kimi təqdim edən Amerikanın Suriya xalqına nələri verdiklərinə də ŞAHİDİK!!! Fərqi yoxdur - Suriyada uşaqların başına göydən bombanı kim tökür... Gördüyümüz odur ki, bütün bunların altında Amerikanın imzası VAR!!
Və kimlərsə, bu imza ilə Azərbaycanın da üzərinə gəlməyə çalışır. Ağıllı olun... Türkiyə türkləri SİZLƏRƏ başa saldı axı ki, bizlər ƏRƏB DEYİLİK və başımıza ƏRƏB CORABI hörə bilməzsiniz...
Di sizə, eyvallah...
Məhəmməd ƏRSOY
DİA.AZ-ın baş redaktoru
