Türkiyədə “Dərin camaat” iş başındadır – ŞOK İDDİA
May ayında çevrilişin qarşısı alındı. Türkiyədə 15 iyulda baş verənlər çevriliş cəhdinin “B” planı idi. FETÖ-çuların “Xüsusi” adlanan dəstələrinin 100-ə qədər üzvü hələ də vəzifədədir.
Axar.az xəbər verir ki, bu sözləri keçmiş FETÖ-çu Ümid Akdəmir “Sputnik”ə açıqlamasında deyib. O bildirib ki, hələ 2010-cu ildən bəri çevriliş planına hazırlıqlar başlayıb: “Həmin il təhsil düşərgəsinə gəldiyimdə hazırlıqların başladığını anladım. “Dərin camaat” Ərdoğanı devirmək üçün struktur yaratmağa başlamışdı. Mən fotonu gördüm. Həmin vaxt belə çirkin yolla siyasətə gəlməyə qarşı idim. Lakin məni dinləyən olmadı. Bu fəaliyyətimdən dolayı məni MİT (Milli İstehbarat Təşkilatı) agenti olmaqda günahlandırdılar”.
Qeyd edək ki, şəbəkənin MİT və ordudakı üzvlərinin “xüsusi” adlandırılması diqqət çəkib.
