Türkiyənin iki strateji qurumu dollardan imtina etdi
Türkiyə Müdafiə Nazirliyi və Enerji Bazarını Tənzimləmə Palatası dollardan imtina edib.
Axar.az xəbər verir ki, Müdafiə Nazirliyindən verilən açıqlamada Müdafiə Sənayesi Dəstəkləmə Fondunda olan 262,7 milyon dollar və 31,3 milyon avronun türk lirəsinə çevrildiyi bildirilib. Enerji Bazarını Tənzimləmə Palatası da təbii qaz paylama məntəqələrində dollar əvəzinə türk lirəsinin qəbuluna başlayıb.
Bundan başqa, Türk Hava Yolları şirkəti bundan sonra xarici səfərlərdə belə milli valyutadan istifadə edəcək. Xatırladaq ki, dünən Türkiyə Diyanət İşləri Başqanlığı Həcc və Ümrə ziyarətlərinin milli valyuta ilə həyata keçirilməsi barədə qərar qəbul edib.
