“Qarabağ”ın qapıçısının törətdiyi qəzada övladı ölən şəxs: “Şikayət etməyəcəyəm”
Qəza zamanı xəsarət alan Əbdulbağır Bağırovun ayağı sınıb.
“Report”un xəbərinə görə, o, Azərbaycan Tibb Universitetinin Tədris Cərrahiyyə Klinikasının (ATU TCK) Travmatologiya və ortopediya şöbəsinə yerləşdirilib. Ə.Bağırovun həyat yoldaşı Günel Bağırova isə xəstəxanadan evə buraxılıb.
Ə.Bağırov “Report”un məkdaşı ilə söhbətində qəzanın necə baş verməsinin yadında olmadığını deyib: “Şokdaydım. Yaxşı ki, digər iki azyaşlı uşağım maşında olmayıb. Ölən 6 aylıq Xalid Bağırov isə sonuncu övladım idi. Qəzanı törədən sürücüdən şikayət etmədim, etməyəcəm də. Çünki hamının başına gələ biləcək işdir”.
