Binəli Yıldırımın çevriliş gecəsi danışdıqları: ilk dəfə – VİDEO
Türkiyənin Baş naziri Binəli Yıldırımın 15 iyul dövlət çevrilişinə cəhd zamanı telefon danışığını əks etdirən görüntülər yayılıb. Axar.az xəbər verir ki, görüntülərdə baş nazirin danışdığı şəxsə hadisə barədə məlumat verdiyi, qiyamçılara qarşı sərt mübarizə aparılacağını dediyi əks olunub.
“Hökumət iş başındadır. Lazım olan hər şeyi edəcəyik. Sonunda ölüm də olsa, lazım olanı edəcəyik. Əsla və əsla qiyamçılara, hüquqa uymayan, millətin silahını, əsgərini, tankını öz məqsədləri üçün istifadə etməyə cəhd göstərən bu canilərə lazımi dərsi verəcəyik”, - Yıldırım qeyd edib.
