Milli Qəhrəman anıldı - FOTOLAR
Aprel döyüşlərində qəhrəmancasına şəhid olan Xüsusi Təyinatlı Qüvvələrin polkovnik-leytenantı, Milli Qəhrəman Murad Mirzəyevin xatirəsi yad edilib.
Bu barədə AzVision.az-a Milli Qəhrəmanın həyat yoldaşı Fizzə Mirzəyeva məlumat verib.
F.Mirzəyeva bildirib ki, Milli Qəhrəman Murad Mirzəyevlə birgə Cəmşid Naxçıvanski adına Hərbi Liseydə və Türkiyədə təhsil alan hərbçi yoldaşları şəhidin məzarını ziyarət ediblər. Milli Qəhrəmanın valideynləri də anım mərasimində iştirak edib.
Qeyd edək ki, Milli Qəhrəman Murad Mirzəyev ABŞ Ranger kursunu bitirən ilk və yeganə azərbaycanlıdır. M.Mirzəyev 2-5 aprel döyüşləri zamanı qəhrəmancasına şəhid olub. Zabitin nəşi aprelin 10-da Beynəlxalq Qırmızı Xaçın vasitəçiliyi ilə döyüş meydanından götürülərək Azərbaycana təhvil verilib.
Murad Mirzəyev aprelin 11-də II Fəxri Xiyabanda dəfn olunub.
