Belarus qərar verdi - Lapşin Azərbaycana verilir

Belarus qərar verdi -


Azərbaycanın Baş Prokurorluğunun müraciəti əsasında Belarusda saxlanılan bloqqer Aleksandr Lapşinin Azərbaycana ekstradisiyası ilə bağlı qərar qəbul edilib.

AzVision.az “aysor.am” saytına istinadən xəbər verir ki, Belarus baş prokurorunun müavini Aleksey Stuk Lapşinin ekstradisiyası haqqında qərar verib.

Ermənistan Vəkillər Palatasının sədri Ara Zohrabyan “Facebook”da səhifəsində yazıb ki, Baş prokurorun müavininin imzaladığı qərarda deyilir: “Belarus DİN-in cəzaların icrası Departamentinə tapşırılsın ki, Lapşin Aleksandr Valeryeviçin ekstradisiyasına dair qərar qüvvəyə mindikdən sonra onun Azərbaycanın müvafiq orqanlarına təhsil verilməsini təmin etsin. Qəbul edilmiş qərar barədə Azərbaycanın Baş prokurorluğu məlumatlandırılsın. Bu qərarın bir nüsxəsi Lapşin Aleksandr Valeryeviçin özünə təqdim olunsun, ona qərardan 10 gün müddətində məhkəməyə şikayət vermək hüququnun olduğu izah edilsin”.

Belarus Prokurorluğu Aleksandr Lapşinin ekstradisiyası barədə qərarı təsdiqləyib.

Xatırladaq ki, Lapşin Azərbaycan dövlətinə qarşı çağırışlarda, işğal altındakı ərazilərə qanunsuz səfər edərək sərhəd rejimini pozmaqda ittiham olunur. İsrail vətəndaşlığı daşıyan qalmaqallı bloqqerin Minskdə saxlanılması böyük siyasi hay-küyə səbəb olub. Ermənistan bütün imkanları ilə bloqqerin müdafiəsinə çalışır və onun Azərbaycana verilməməsi üçün mübarizə aparır. Bu günlərdə Rusiya xarici işlər naziri Sergey Lavrov da Lapşinin Azərbaycana ekstradisiyasının əleyhinə çıxıb. ABŞ Dövlət Departamenti onun saxlanılmasını “söz azadlığının pozulması” kimi şərh edib. İsrail isə bloqqerin məsələsi ilə bağlı Azərbaycanla danışıqlar aparır. Məlum olub ki, İsrail XİN bloqqerin Azərbaycandan açıq şəkildə üzr istəməsinin əvəzində onun təqib olunmasının dayandırılmasını xahiş edib. Lakin rəsmi Bakı Lapşinin ekstradisiyasında israrlıdır. Çünki ilk dəfədir ki, Azərbaycanın işğal altındakı ərazilərinə Ermənistan üzərindən səfər edib erməni separatçılarını təbliğ edən xarici vətəndaşın saxlanılması baş verir.



Twitter Facebook Myspace Stumbleupon Technorati blogger google
466 dəfə oxundu
 



XƏBƏR LENTİ
Loading...