Baş Dövlət Yol Polisi İdarəsində dəyişikliklər başlayır
2017-ci ildə Daxili İşlər Nazirliyi (DİN) Baş Dövlət Yol Polisi İdarəsinin (BDYPİ) strukturlarında ciddi kadr dəyişiklikləri olacaq .
Bu haqda Gununsesi.info-ya sözügedən idarədəki mənbənin verdiyi məlumatda belə deyilir.
Belə ki, saytımızı bilgiləndirən mənbənin sözlərinə görə, yaxın günlərdə BDYPİ-nin bir neçə yüksəkvəzifəli şəxsi öz postundan kənarlaşdırılacaq. Bu sıraya, xüsusilə, BDYPİ-nin regional imtahan, qeydiyyat şöbələrinin rəisləri daxildir.
Məlumatda bildirilir ki, uzun illər həmin şöbələrdə rəis vəzifəsini tutan şəxslər artıq yola salınacaq. Onları isə yeni kadrlar əvəz edəcəklər.
