“Qiymətlər insanları narahat edəcək dərəcədə qalxmayıb”
Bunu jurnalistlərə açıqlamasında baş nazirin müavini Əli Əhmədov deyib.
Əli Əhmədovqeyd edib ki, Azərbaycanda ənənəvi olaraq, həmişə bayramqabağı qiymətlər qalxır, amma bu, belə olmamalıdır:
"Ticarətçilər bayramqabağı müştərilərinnin çoxaldığını görürlər və bundan istifadə edirlər. Bəlkə də başqa cür olsaydı, daha yaxşı olardı. Amma bu da reallıqdır".
O bildirib ki, Azərbaycanda qiymətlərin yüksək olması mətbuatda təsvir edilən qədər deyil:
“Hökumət olaraq, vəzifə borcumuz bazardakı qiymətlərin qalxmasına imkan verməməkdir. Hökumət bu barədə fikirləşir. Əgər imkan olsa, bayramqabağı bazarlara yenə də baş çəkərəm".
