Onun üzərində 85 min dollar aşkar edilib.

Gürcüstanın hüquq-mühafizə orqanlarının əməkdaşları Rustavi şəhərində 1973-cü il təvəllüdlü Azərbaycan vətəndaşı Şota M. saxlayıblar. O tərkibində 440 qramdan çox heroin olan narkotik vasitələrin satışında ittiham olunur.
Oxu.Az “Qruziya-Onlayn” saytına istinadla xəbər verir ki, şəxsi axtarış zamanı DİN əməkdaşları şübhəli şəxsdən dəlil kimi içərisində narkotiklərin satışından əldə olunmuş 85 min ABŞ dolları olan idman çantası müsadirə ediblər.

“Bundan başqa, hüquq mühafizə orqanlarının əməkdaşları tərəfindən 681,29 qram narkotik vasitə müsadirə olunub. Kimyəvi ekspertiziya əsasən, onun tərkibində 441,636 qram heroin olub” – DİN-nin məlumatında deyilir.

Fatkla bağlı Gürcüstanın Cinayət Məcəlləsinin 260-cı maddəsi (xüsusi böyük çəkidə narkotik vasitələrin əldə edilməsi, saxlanılması, daşınması və satışı) ilə cinayət işi açılıb.




520 dəfə oxundu