Oqtay Əsədov telefona görə deputatlara hirsləndi
Milli Məclisin bu gün keçirilən iclasında spiker Oqtay Əsədov deputatlara xəbərdarlıq edib.
Lent.az-ın məlumatına görə, O,Əsədov gündəliyin müzakirəsi zamanı çıxışını yarımçıq kəsərək deputatlara səslənib: “İclasın gedişi zamanı telefonla danışmağı, harasa durub getməyi və sair işləri yığışdırın. Bir-birimizə hörmət edək. Ayda iki-üç dəfə iclas keçiririk, ona da belə hörmətsiz yanaşmayın”.
Bundan sonra spikerin irad tutduğu deputatlar gündəliyin müzakirəsinə qoşulublar.
* * * 12:17
Bir neçə dəqiqə əvvəl Milli Məclisin növbəti plenar iclası başlayıb.
APA-nın məlumatına görə, sədr Oqtay Əsədov iclası açıq elan edib və gündəlikdəki məsələlərin müzakirəsinə keçib.
İclasın gündəliyinə 6 məsələ daxildir.
