Prezident Hüseynqulu Bağırova “Şöhrət” ordeni verdi
Prezident İlham Əliyev Hüseynqulu Bağırovun “Şöhrət” ordeni ilə təltif olunması barədə sərancam imzalayıb.Sərancamda deyilir: Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram: Azərbaycan Respublikasında təbiətin qorunması və ekoloji mühitin yaxşılaşdırılması sahəsində xidmətlərinə görə Hüseynqulu Seyid oğlu Bağırov “Şöhrət” ordeni ilə təltif edilsin.
Virtualaz.org xatırladır ki. H.Bağırov 2001-ci ildən Azərbaycan Respublikasının Ekologiya və təbii sərvətlər naziridir. Onu da xatırladaq ki, sabah H.Bağırovun 60 yaşı tamam olur. O, 1955-ci il dekabrın 17-də anadan olub.
