Bakıda Trampın adını daşıyan binada yanğın
Bakıdakı “Tramp Tover Bakı” binasında yanğın olub. Report xəbər verir ki, əraziyə üç yanğınsöndürən maşın cəlb edilib. Yanğının qarşısı alınıb. Faktla bağlı araşdırma aparılır.
Qeyd edək ki, “Tramp Tover Bakı” paytaxtın Nəsimi rayonu, Həsən Əliyev küçəsində yerləşən, 72 mənzil və 189 ayrı otel nömrəsindən ibarət çoxmərtəbəli binadır. Hündürlüyü 130 metr olan “Tramp Tover Bakı” 33 mərtəbəlidir.
Azərbaycanın beş ən yüksək binasından biri hesab olunur.
