Avqustun 8-də bir qrup naməlum şəxs tərəfindən döyülərək ağır və çoxsaylı bədən xəsarətləri alan, bir gün sonra yerləşdirildiyi klinikada vəfat edən jurnalist Rasim Əliyevlə bağlı sosial şəbəkədə maraqlı məlumat paylaşılıb.

“Qafqazinfo” xəbər verir ki, yayılan məlumata görə, mərhum jurnalist Rasim Əliyev və futbolçu Cavid Hüseynovun valideynləri sinif yoldaşı olublar. Qeyd edək ki, jurnalistin ölümündə şübhəli bilinərək saxlanılanlar arasında futbolçu Cavid Hüseynovun bibisioğlu Elşən İsmayılovun da adı çəkilmişdi.

“Qafqazinfo” məsələni dəqiqləşdirmək üçün futbolçunun qohumlarından biri ilə əlaqə saxlayıb. Həmin şəxsin sözlərinə görə, bu barədə məlumatı da ona C.Hüseynovun anası Xalidə xanım verib. Cavidin qohumu bildirib ki, futbolçunun atası, şəhid Şakir Abbasov Cəbrayılın Qaracallı kəndindən, Rasimin anası isə qonşu Süleymanlı kəndindən olub. Onlar eyni məktəbdə və eyni sinifdə oxuyublar.


1049 dəfə oxundu