Türk dövlətləri klubları arasında turnir keçirilə bilər
Türkiyənin “Qalatasaray” klubunun prezidenti Dursun Özbek Ümumilli Lider Heydər Əliyevin xatirəsinə türk dövlətlərinin futbol klubları arasında bir turnirin keçirilməsini təklif edib.
Yeniavaz.com xəbər verir ki, bu barədə “Milliyet” məlumat yayıb.
Azərbaycan Prezidenti İlham Əliyevin də bu təklifi çox isti qarşıladığı bildirilib.
Məlumata görə, İ.Əliyev “Qarabağ”la “Qalatasaray” arasında növbəti oyunun Qarabağda keçirilməsi ilə bağlı göstəriş verib. Qarabağda oyunların keçirilməsi üçün stadionun olmadığının xatırladılmasından sonra Azərbaycan Prezidentinin bu məsələ ilə bağlı təcili tədbirlər görülməsinə göstəriş verdiyi və avqustun sonunda oyunun keçirilməsinin nəzərdə tutulduğu bildirilib.
Xatırladaq ki, martın 26-da Bakıda “Qarabağ” və “Qalatasaray” klubları arasında xeyriyyə məqsədli yoldaşlıq matçı keçirilib.
