Güləşçilərimiz Macarıstandan 8 medalla qayıdır
Azərbaycanın yeniyetmə güləşçiləri Macarıstanın paytaxtı Budapeştdə keçirilən Avropa çempionatında 8 medal qazanıb.
Gundeminfo.az xəbər verir ki, medallardan 1-i gümüş, 7-si bürünc əyarlı olub.
Yeganə gümüş medalı qadın güləşində Ruzanna Məmmədova (46 kq) əldə edib.
Sərbəst güləşçilərdən Cavid Cavadov (55 kq), Abdulrəhman İbrahimov (60 kq) və Yusuf Dursunov (92 kq), yunan-Roma güləşçilərindən isə Fəraim Mustafayev (48 kq), Rəhman Kərimov (51 kq), Ruslan Nurullayev (71 kq) və Cocu Səmədov (80 kq) bürünc medala layiq görülüb.
