895 min manatdan artıq vəsaitin büdcədən yayındırılmasının qarşısı alınıb.

Dövlət Gömrük Komitəsindən verilən məlumata görə, Bakı Baş Gömrük İdarəsi tərəfindən ixracatçı ölkələrin gömrük orqanlarına göndərilən sorğular nəticəsində həmin ölkələrdən idxal edilən malların invoys qiymətlərinin azaldılması halları müəyyən edilib.

Bakı Baş Gömrük İdarəsi əməkdaşlarının apardığı araşdırma nəticəsində, aprel ayının ilk 10 günü ərzində təqdim olunan invoyslarla orijinal invoyslar arasında əmələ gələn fərq 1438404 ABŞ dolları (2488440 AZN) təşkil edib və aparılan hesablamalarla dövlət büdcəsinə əlavə olaraq 895000 manatdan artıq gömrük vergi və rüsumlarının köçürülməsi təmin edilib.


391 dəfə oxundu