Elza:”Analoqu olmayan layihə hazırlamışam”
Əməkdar artist Elza Seyidcahan tələbəsi müğənni Hacıağa Bağırovla yeni layihə hazırlayıb.
Bu barədə musavat.com-a əməkdar artistin özü məlumat verib. O bildirib ki, tələbəsi ilə birgə təqdim edəcəyi yeni layihənin Azərbaycanda analoqu yoxdur: “Hər zaman istedadlı gənclərlə işbirliyi qurmuşam. Bu günə qədər şou-biznesdə bir çox tanınmış müğənnilərlə layihələr etmişəm. Həmin proyektlər çox müzakirələrə səbəb olub. Amma onu da deyim ki, Hacıağa ilə birgə bir müddət sonra təqdim edəcəyimiz bu layihə çox müzakirə olunacaq”.
E.Seyidcahan müəllifi olduğu yeni şeirlərdən də danışıb:
“Mənim şeir yazmağım mətbuatda çox müzakirə olundu. Bir çoxları müəllifi olmadığım şeirləri mənim adıma çıxıb, şou yaratdılar. Amma bütün bunlar məni ruhdan sala bilməz. Yazdığım şeirlərə şou-biznesin bir çox tanınmış sənətçiləri mahnı da oxuyub. Bunların sırasında müğənni Elton Hüseynəliyev, Gülay Zeynallı və başqalarının adlarını çəkmək olar”.
