Sabirabadın icra başçısı deputatlığa hazırlaşır başçı olaraq sürəsinin dolduğunun fərqindədir
Sabirabad rayon icra hakimiyyətinin başçısı Nazim İsmayılov 64 saylı Sabirabad 2-ci kənd seçki dairəsindən deputatlığa namizəd olmağa hazırlaşır. Rayondakı mənbələrdən GUNDEMİNFO.AZ-a daxil olan məlumata əsasən icra başçısı bu barədə yaxın ətrafı ilə söhbətində danışıb. Başçı bildirib ki, icra başçısı kimi rotasiya qaydasına görə 5 illik müddətini başa vurub. 5 il Şamaxı rayonundan, 5 il Sabirabad rayonunda icra başçısı işləyən Nazim İsmayılov 64 saylı seçki dairəsindən deputat olmaq istəyir. Məlumata əsasən N.İsmayılov hazırda həmin dairədən deputat olan Rüstəm Xəlilovun yerinə iddialıdır. R.Xəlilovla Sabirabadın icra başçısının münasibətlərinin soyuq olmasına dair mətbuatda bir qədər informasiyalar yayılmışdı.
