Təhsil nazirinin əmri GDU-da niyə icra edilmir?- İDDİA
AFN-in redaksiyasına Gəncə Dövlət Universitetinin Coğrafiya kafedrasının dosent əvəzi Arifə Əhmədli ilə bağlı məlumat daxil olub. Məlumatda iddia edilir ki, GDU-da təhsil nazirinin əmrləri yerinə yetirilmir.

Məktubu cüzi redaktələrlə təqdim edirik: “Azərbaycan Respublikasının Prezidenti yanında Ali Attestasiya Komissiyası kollegiyasının 16.06.2016-cı il tarixli (protokol 15-K) iclasında tədris-metodik işlərində böyük həcmli plagiat faktı aşkar edildiyindən ekspert şurasının mənfi rəyi nəzərə alınaraq Gəncə Dövlət Universitetinin Coğrafiya kafedrasının dosent əvəzi Əhmədli Arifə Abbasəli qızına coğrafiya kafedrasının dosenti elmi adının verilməsindən imtina edilib. Bu məsələ ilə bağlı olaraq universitetdə keçirilən iclasda aşağıdakı məzmunda qərarlar qəbul edilib:
1.Əhmədli Arifə Abbasəli qızının “Torpaq coğrafiyası fənnindən çöl təcrübələrinin aparılmasına dair” metodik göstərişi plagiat hesab edilsin.
2.Yuxarıda adı çəkilən dərs vəsaiti universitetin tədris prosesindən çıxarılsın, habelə kitabxanadan ləğv olunsun.
Təhsil nazirinin əmri GDU-da niyə icra edilmir?-
3.Azərbaycan Respublikasının Prezidenti yanında Ali Attestasiya Komissiyası Kollegiyasının 16.06.2016-cı il tarixli (protokol 15-K) iclasında tədris-metodik işlərində böyük həcmli plagiat faktı aşkar edildiyindən ekspert şurasının mənfi rəyi nəzərə alınaraq Əhmədli Arifə Abbasəli qızına coğrafiya kafedrasının dosenti elmi adının verilməsindən imtina edildiyindən Əhmədli Arifə Abbasəli qızı dosent vəzifəsindən baş müəllim vəzifəsinə keçirilsin.
4.Əhmədli Arifə Abbasəli qızının tədris-metodiki işlərində böyük həcmli plagiat faktlarının aşkar olunmasına görə Azərbayan Respublikası Təhsil Nazirliyinin 05.07.2016-cı il tarixli təhsil müəssisələrində hazırlanan tədris vəsaitlərində plagiat hallarına qarşı mübarizə tədbirləri haqqında 464 saylı əmrinin 5-ci bəndini rəhbər tutaraq Arifə Abbasəli qızı Əhmədli ilə bağlanmış əmək müqaviləsinə xitam verilsin.
Maraqlıdır ki, əmr bu günə kimi icra olunmayıb. Deməli, Gəncə Dövlət Universitetində təhsil nazirinin əmrlərini sayan yoxdur, bu qərarlar yalnız kağız üzərində qalır. Deməli, bu universitet cəngəllik qanunları ilə idarə olunur. Müəllimliyə tam yararsız, ali təhsil haqqında diplomu saxta,e lmi əsərləri saxta, dəfələrlə əlində rüşvət tutulmuş, qadına yaraşmayan nalayiq hərəkətləri dəfələrlə universitet elmi şurasında müzakirə obyekti olan, Yeni Azərbaycan Partiyasından qovulan və yenidən İslam Partiyasına üzv qəbul edilən Əhmədli Arifə Abbasəli qızı üçün onun işlədiyi kafedranın razılığı olmadan yenidən dosent yeri üçün elan verilib və o, bu yeri tutmaq üçün sənəd təqdim edib. Halbuki o, bu yerə 5 ilə kimi sənəd təqdim edə bilməz və onunla bağlanmış əmək müqaviləsinə xitam verilməsi ilə baglı qərar qəbul edilib.
Maraqlıdır, bu biabırçılıqlara göz yumaraq təhsil nazirliyinin əmrlərinə tabe olmamaqda Gəncə Dövlət Universitetinin rektoru Yusif Yusibovun məqsədi nədir?”
Qarşı tərəfin mövqeyini verməyə hazırıq.
1302 dəfə oxundu