Naxçıvandan Batumiyə avtobus reysi açıldı
Naxçıvan şəhər avtovağzalından yerli və beynəlxalq marşrutlar təşkil olunur. Sabahdan Naxçıvan-Batumi və əks istiqamətdə avtobus marşrutu fəaliyyətə başlayacaq. Avtobus Naxçıvan şəhərindən başlayaraq Türkiyə Respublikası ərazisindən keçməklə Batumi şəhərinə hərəkət edəcək.
Maraqlı məqam isə avtobus biletlərinin qiyməti ilə əlaqədardır. Bir nəfər üçün gediş qiyməti 27 manat təşkil edir. Onu xatırlatmaq yerinə düşər ki, Naxçıvan-Bakı avtobus biletinin qiyməti isə 25 manatdır. İlk marşrut 20 fevral saat 7:30-da Naxçıvan şəhər avtovağzalından yola düşəcək
