Cahangir Əsgərov sabah bu vəzifəsindən istefa verəcək - İDDİA
Fevralın 19-da Azərbaycan Ağır Atletika Federasiyasının (AAAF) hesabat-seçki konfransı olacaq.
Bu barədə xəbər Bizim.Media-ya Gənclər və İdman Nazirliyindən verilib.
Nazirliyin inzibati binasında keçiriləcək toplantı sabah günün birinci yarısında baş tutacaq.
İclasda federasiyanın növbəti müddətə prezidenti, vitse-prezidentləri və İdarə Heyətinin üzvləri seçiləcək. Tədbirdən sonra mətbuat konfransı nəzərdə tutulub.
AAAF-ın hazırkı prezidenti Cahangir Əsgərovdur. Məlumatlı mənbənin bildirdiyinə görə, sabah onun istefa verəcəyi ehtimal olunur. Səbəb kimi isə son zamanlar onun işinin çoxluğu və yeni aeroport tikililəri ilə bağlı məşğulluğu göstərilir.
