Ötən il uşaqlara daha çox hansı adların qoyulduğu bilinib
APA xəbər verir ki, Ədliyyə Nazirliyinin Qeydiyyat və Notariat Baş İdarəsinin əməkdaşı Nahid Səfərli “Adın, ata adının, soyadın dəyişdirilməsi” mövzusunda onlayn brifinqdə deyib ki, oğlan uşaqlarına qoyulan adların ilk beşliyində Əli, Yusif, Uğur, Hüseyn və Məhəmməd adları yer alıb.
Onun sözlərinə görə, bu ilin yanvar və fevral ayları ərzində də oğlan uşaqlarına yuxarıda qeyd olunan adlar qoyulub.
“2021-ci ildə yeni doğulan qız uşaqlarına verilən adların ilk beşliyi isə belədir: Zəhra, Zeynəb, Aylin, Məryəm və Fatimə. Eyni ilə, bu ilin yanvar və fevral aylarında da qız uşaqlarına həmin adların qoyulması üstünlük təşkil edib”, - Nahid Səfərli qeyd edib.
