Temperatur 28 dərəcəyə çatacaq
Bakıda və Abşeron yarımadasında aprelin 30-da hava şəraitinin dəyişkən buludlu olacağı, yağmursuz keçəcəyi gözlənilir
Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumatına görə, səhər bəzi yerlərdə duman olacaq. Mülayim cənub küləyi axşam şimal küləyi ilə əvəz olunacaq. Havanın temperaturu gecə 9-14, gündüz 19-24 isti olacaq. Azərbaycanın rayonlarında sabah hava şəraitinin əsasən yağmursuz keçəcəyi, gecə və səhər bəzi yerlərdə duman olacağı gözlənilir. Lakin bəzi yerlərdə şimşək çaxacaq və qısa müddətli yağış yağacaq. Şərq küləyi əsəcək.
Havanın temperaturunun gecə 10-15, gündüz 23-28, dağlarda gecə 9-13, gündüz 14-19 isti olacağı gözlənilir.
