Ayazla Səbinə arasında mahnı qalmaqalı
"Mənimki daha uğurludur"
Müğənni Ayaz Qasımovla “Eurovision” təmsilçimiz Səbinə Babayeva “Can ay can” mahnısına görə üz-üzə gəliblər.
Axşam.az-ın məlumatına görə, Səbinə daha əvvəl bu mahnını Ayazın ifasında eşitmədiyini deyib. Qarşı tərəfin cavabı isə gecikməyib. Ayaz “ATV Maqazin 10-larla”ya açıqlamasında mahnını Səbinənin ifasında bəyənmədiyini söyləyib:
“Hesab edirəm ki, bizim aranjiman və sözlər daha uğurludur. Səbinə məndən inciməsin. Sözləri Murad Arif yazmışdı, aranjimanı isə Cin etmişdi. O mahnını daha əvvəl Manana xanım tamam başqa sözlərlə və fərqli ritmdə oxumuşdu. Mənim ifa etdiyim mahnının sözləri isə başqadır. Səbinə xanıma da uğurlar arzulayıram”.
