“Bu səs-küydə evdə oturmaq mümkün deyil” - Video
Bu şikayətlə “Qafqazinfo”ya Bakı şəhəri, Yasamal rayonu, İnşaatçılar prospekti 33-də yerləşən “İzmir Residence” ünvanında yaşayan sakinlər müraciət edib.
Sakinlər daha öncə dəfələrlə mətbuatda işıqlandırılmasına baxmayaraq problemin öz həllini tapmadığını bildirir, restoran terrasından yüksələn səslərdən gileylənirlər.
Vətəndaşlar eyni zamanda manqal tüstüsünün də onların rahatlığını pozduğunu qeyd edirlər:
“Bu vəziyyət ailələrin və uşaqların, o cümlədən südəmər körpələrin istirahətinə mane olur, təhsil alan şagirdlər fikrini dərsə verə bilmir. Eyni zamanda yaşlı və xəstə insanların səhhətinə mənfi təsir edir”.
