Tanınmış iqtisadçı Si Cinpini tənqid etdikdən sonra yoxa çıxdı
Yeniavaz.com xəbər verir ki, bu barədə “The Wall Street Journal” (WSJ) qəzeti məlumat yayıb.
Nəşrin məlumatına görə, iqtisadçı Çin Xalq Respublikası sədrinin iqtisadi siyasətini tənqid edib.
O, fikirlərini “WeChat” sosial şəbəkəsində qapalı qrup söhbətində bildirib. Bundan sonra Çju Xenpen birbaşa Dövlət Şurasına tabe olan CASS analitik mərkəzinin direktor müavini vəzifəsindən çıxarılıb. İqtisadçı bu təşkilatda iki onillikdən çox işləyib.
Çin rəsmiləri məsələ ilə bağlı rəsmi şərh verməyib.
Qeyd edək ki, ötən ilin fevralında “Bloomberg” agentliyi Çinin ən böyük investisiya banklarından biri olan “China Renaissance Holdings”in (CRH) rəhbəri Bao Fanın yoxa çıxması barədə məlumat vermişdi.
Ehtimal olunur ki, o, Çin hökumətinin bankın keçmiş rəhbəri Konq Lin barədə apardığı təhqiqatla bağlı itkin düşüb.
