FHN Heydərovun kiçik oğlunun da obyektinin istismarına icazə verdi
Yeniavaz.com xəbər verir ki, ümumi sahəsi 21,35 kvadratmetr olan bina 1 mərtəbədən ibarətdir.
Qeyd edək ki, FHN qeyri-yaşayış binasına 13 iyun 2025-ci il tarixli 07415 nömrəli istismara hazırlıq rəyi verib.
Məlumat üçün bildirək ki, obyektin sifarişçisi olan Nicat Heydərov fövqəladə hallar naziri Kəmaləddin Heydərovun kiçik oğludur.
Xatırladaq ki, ötən ay FHN Kəmaləddin Heydərovun böyük oğlu Tale Heydərovun sifarişi əsasında Qəbələ rayonu, Qəbələ-İsmayıllı yolunun 1,8 kilometrliyində inşa olunan obyektin də istismarına icazə verib.
FHN ümumi sahəsi 1 094,25 kvadratmetr olan 3 mərtəbədən ibarət binaya 14 aprel 2025-ci il tarixli 06152 nömrəli istismara hazırlıq rəyi verib.
Tale Heydərov özünün sosial şəbəkə hesabında bildirib ki, o hazırda “Avropa Azərbaycan Məktəbinin”, “TEAS Nəşriyyat Evinin” və “Libraff” kitab mağazalarının sahibidir. Tale Heydərov eyni zamanda qeyd edir ki, o “Gilan Holdinq”in İdarə heyətinin sədridir. Nicat Heydərov isə özünün sosial şəbəkə hesabında “Gilan Holdinq”ə rəhbərlik etdiyini yazıb.
