Tramp kürəkənini İraqa göndərdi
ABŞ prezidenti Donald Trampın kürəkəni, dövlət başçısının böyük məsləhətçisi təyin edilmiş Cared Kuşner İraqa səfər edib.
"Report"un məlumatına görə, Kuşnerə İraqa getmək təklifini ABŞ-ın Hərbi Qüvvələrinin Qərargah Rəisləri Komitəsinin rəhbəri, general Cozef Danford edib. "Reuters" isə öz növbəsində bildirib ki, Kuşner İraqda vəziyyəti şəxsən qiymətləndirmək istəyir. O, bununla İraq hakimiyyətinə dəstəyini nümayiş etdirib.
