Ərdoğan Rza Zərrabdan danışdı
Türkiyə prezidenti Rəcəb Tayyib Ərdoğan keçən il ABŞ-da həbs edilən Azərbaycan əsilli iş adamı Rza Zərrabla bağlı sualı cavablandırıb. Gundeminfo.az Lent.az-a istinadla xəbər verir ki, “Reuters”ə müsahibəsi zamanı Ərdoğana ABŞ prezidenti Donald Trampla keçirəcəyi görüşdə Türkiyə vətəndaşı olan Rza Zərrabın məsələsini gündəmə gətirib-gətirməyəcəyi sualı ünvanlanıb.
O, Rza Zərrabla bağlı məsələnin gündəmində olduğunu deyib: “Atacağımız addımlardan biri də Rza Zərrab ilə bağlı olacaq. O, mənim atamın oğlu deyil, amma mənim vətəndaşımdır. Əgər günahı varsa, bizim Ədliyyə Nazirliyinə də materiallar təqdim edilməlidir. Yoxsa uydurulmuş ittihamlarla həbsdə saxlanarsa, vətəndaşına sahib çıxa bilməyən dövlət kimi tanınarıq”.
