Azərbaycan 5 milyard manat borc qaytaracaq
2023-cü il və növbəti 3 il üzrə dövlət borcuna xidmətlə bağlı proqnozlaşdırılan xərclər məlum olub.
Gundeminfo.az xəbər verir ki, bu, Maliyyə Nazirliyinin 2023-cü ilin icmal və dövlət büdcələrinin ilkin göstəricilərinə dair açıqlamasında əksini tapıb.
Dövlət borcuna xidmətlə bağlı xərclər 2023-cü ildə 1 milyard 5 milyon, 2024-cü ildə 1 milyard 143 milyon, 2025-ci ildə 1 milyard 300 milyon, 2026-cı ildə 1 milyard 395 milyon manat olacaq. Beləliklə, qarşıdakı 4 ildə dövlət borcuna xidmətlə bağlı xərclər 4 milyard 843 milyon manat olacaq.
