Mark Zukerberq atalıq məzuniyyətinə hazırlaşır — İkinci övlad gəlir
"Facebook" sosial şəbəkəsinin qurucusu Mark Zukerberq ikinci dəfə ata olmağa hazırlaşır. "Ölkə.Az" xəbər verir ki, Mark ikinci övladı dünyaya gəldikdən sonra yenə də analıq məzuniyyətinə çıxacaq. Mark "Facebook" şəbəkəsindəki səhifəsində yazıb: "Tezliklə qızım dünyaya gələcək. Mən iki aylıq atalıq məzuniyyətinə çıxmağı planlaşdırıram. Əminəm ki, qayıdanda ofisi olduğu yerdə tapacam".
Zukerberq bildirib ki, qızı anadan olan kimi 1 aylıq məzuniyyətə çıxacaq. Dekabr ayında isə ikinci dəfə bir aylıq məzuniyyət görürəcək: " "Facebook" sosial şəbəkəsinin işçiləri valideynlərə 4 aylıq məzuniyyət verir. Tədqiqatlara əsasən əgər işləyən valideyn övladına vaxt ayırırsa, bu ailə üçün əladır".
