Səkkiz aylıq azalmadan sonra Mərkəzi Bankın valyuta ehtiyatları artıb
Azərbaycan Mərkəzi Bankının (AMB) sərəncamında olan rəsmi valyuta ehtiyatların həcmi 2016-cı il aprel ayının 1-nə 4 065,8 mln. ABŞ dolları təşkil edib ki, bu da 2015-ci ilin müvafiq dövrünə nisbətən 5 406,3 mln. dollar və ya 2,33 dəfə azdır.
AMB-dən “APA-Economics”ə verilən məlumata görə, fevral ayı ilə müqayisədə martda valyuta ehtiyatları 39,5 mln. manat və ya 0,98% artıb. Başqa sözlə, 8 aylıq azalmadan sonra valyuta ehtiyatları artıb.
