Türkiyə polisi "Petkim"də axtarışlar aparır
Türkiyənin hüquq-mühafizə orqanları "Petkim Petrokimya Holding A. Ş."-də növbəti dəfə əməliyyat keçirir.
"APA-Economics" "Hürriyyet" qəzetinə istinadən xəbər verir ki, əməliyyat "FETÖ araşdırması" çərçivəsində baş tutub. "Türkiyə polisi "Petkim"ə aid 4 ayrı ünvanda əməliyyat aparır. Əməliyyat davam edir", - qəzet yazır.
Saxlanılanlar barədə hər hansı məlumat yoxdur.
Xatırladaq ki, bundan öncə Türkiyə polisi 2 dəfə "Petkim"də axtarış aparıb. Axtarışlar nəticəsində 31 nəfər saxlanılsa da, sonradan onlardan 6-sı sərbəst buraxılıb. Həbs olunanlar arasında "Petkim" baş direktoru Sadettin Korkut və rəhbərlikdə təmsil olunan 13 şəxs olub.
