FED uçot dərəcəsini artırmamaqla yanlışlığa yola verdi - "Moody's"
"ABŞ-nı Federal Ehtiyatlar Sistemi (FED) əlinə düşdüyü fürsətdən istifadə etməməklə, yəni uçot dərəcəsini artırmamaqla yanlış addım atdı".
"APA-Economics" xəbər verir ki, bunu "Moody's" beynəlxalq reytinq agentliyinin baş iqtisadçısı Mark Zandi deyib.
Onun sözlərinə görə, FED sentyabrda faiz dərəcələrini artırmamaqla böyük risk edib: "Dekabra qədər gözləməklə FED inflyasiyanın 2%-dək artacağından əmin olmaq istəyib və bu addım məntiqli sayıla bilər. Lakin o vaxta qədər ciddi risklər yarana bilər".
