Lənkəranda evləri su basdı, bir ailənin 4 üzvü xilas edildi
Dünən axşamdan başlayan qeyri-sabit hava şəraiti Lənkəranda evlərin və həyətlərin su basması ilə nəticələnib.
Hafta.az-ın Fövqəladə Hallar Nazirliyinin saytına istinadən verdiyi məlumata görə, Lənkəran rayonu, Girdəni kəndində leysan yağışları nəticəsində bir ailə evdə köməksiz vəziyyətdə qalıb. Hadisə yerinə cəlb edilmiş Dövlət Sularda Xilasetmə Xidmətinin dalğıc-xilasediciləri həyətyanı sahənin su basması nəticəsində evdə köməksiz vəziyyətdə qalan 4 nəfəri təhlükəsiz əraziyə çıxarıb.
