Xocalıda növbəti silah-sursat anbarı aşkar edilib - VİDEO

Xocalıda növbəti silah-sursat anbarı aşkar edilib -
Qarabağ bölgəsində Ermənistan silahlı birləşmələri və qeyri-qanuni erməni silahlı dəstələrinin hərbi məqsədlər üçün istifadə etdiyi mülki təyinatlı tikililərin aşkar olunması üzrə tədbirlər davam edir.

Bu barədə "Report"a Azərbaycan Müdafiə Nazirliyindən məlumat verilib.

Bildirilib ki, Xocalı rayonu ərazisindəki mülki infrastruktur obyektlərinə baxış zamanı növbəti silah-sursat anbarı müəyyən edilib.

Anbardan aşkar edilmiş külli miqdarda patron, əl qumbaraları, minaatan, müxtəlif çaplı ağır artilleriya və tank mərmiləri, həmçinin tankəleyhinə raket komplekslərinin idarəolunan raketləri və digər döyüş sursatları müsadirə edilib.

Ərazidə, həmçinin qoşqulara yüklənmiş halda xeyli sayda sursatla dolu yeşiklər də aşkar edilərək götürülüb.




Twitter Facebook Myspace Stumbleupon Technorati blogger google
157 dəfə oxundu
 



XƏBƏR LENTİ
Loading...